- 114 -

1254 März 31, Lateran.

Papst Innozenz IV. bestätigt die Stiftung des Breslauer Elisabethhospitals unter Inserierung der Stiftungsurkunde (Nr. 61).

Or. dep. südl. Perg. Breslau St.A. Rep. 66 Nr. 5 (A); Reg. Vat. 23, fol. 81 (R); Notariatstranssumpt von 1369 März 14, Breslau St.A. Rep. 66 Nr. 226 (B).
Theiner, Vetera monumenta Poloniae 1, Nr. 114 (nach R). — Palacky, Italienische Reise S. 34; Reg. ep. Vrat. S. 45; Potthast 15310; SR 866; Emler, Regesta 2, Nr. 22; Berger, Les Registres d'Innocent IV 3, Nr. 7433.
Skriptorenvermerk auf Plika oben rechts Iohes. Parm. (wahrscheinlich).

INNOCENTIUS episcopus servus servorum dei dilectis filiis .. rectori et fratribus hospitalis sancte Helisabeth Cruciferorum stellatorum Wratislauiensis ordinis sancti Augustini salutem et apostolicam benedictionem. Cum a nobis petitur, quod iustum est et honestum, tam vigor equitatis quam ordo exigit rationis, ut id per sollicitudinem offitii nostri ad debitum perducatur effectum. Sane, sicut ex tenore vestre peticionis accepimus, dilecta in Christo filia nobilis mulier Anna relicta clare memorie H(enrici) ducis Zlesie et Cracouie ac filii sui Hospitale vestrum de consensu venerabilis fratris nostri . . Wratislauiensis episcopi pietatis intuitu propriis sumptibus erexerunt ac illud bonorum largitione munifica dotaverunt ipsum vobis et vestris successoribus ad opus infirmorum et pauperum deputando, prout in patentibus litteris eorum confectis exinde ac suis sigillis signatis plenius continetur. Nos itaque intuitu eiusdem nobilis ac filiorum suorum, qui propter hoc apostolicam gratiam fecerunt humiliter implorari, vestris precibus inclinati, quod ab eis in hac parte pie et provide factum est, ratum et firmum habentes id auctoritate apostolica confirmamus et presentis scripti patrocinio communimus. Tenorem autem litterarum ipsarum de verbo ad verbum presentibus fecimus annotari, qui talis est:
Folgt Nr. 61.
Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Dat. Laterani II kal. aprilis, pontificatus nostri anno undecimo.

Bleibulle an Seidenfäden.

Schlesisches Urkundenbuch, Im Auftrage der Historischen Kommission für Schlesien herausgegeben von Heinrich Appelt und Josef Joachim Menzel, Driter Band: 1251 - 1266; Bearbeitet von Winfried Irgang, Verlag Hermann Böhlaus Nachf., Wien-Köln 1984.