- 180 -

1295 Januar 6, Schönau.

Herzog Bolko, Herr von Fürstenberg, überträgt dem Kloster Mariengnade (Grüssau) im Tausch gegen dessen Gut Eisendorf (sw. Neumarkt) das Gut Sasterhausen (nö. Striegau).

Or. dep. Breslau St.A. Rep. 83 Nr. 16 (A).
Ludewig, Reliquiae manuscriptorum 6, S. 379-381 Nr. 5. - Walther, Silesia diplomatica 1, S. 74; SR 2347.
Die Urkunde wurde von derselben Hand mundiert wie Nr. 91 und geht in Schrift wie Diktat wohl auf den Empfänger zurück. Ob das Siegel tatsächlich, wie Nehmiz S. 57 angibt, gefälscht war, läßt sich heute nicht mehr feststellen.

IN nomine domini amen. Religionis deo grate novella adhuc plantacio, ut radices convalescencie ad maiorem virtutum expansionem altius figat, pie subvencionis ope rigari semper indiget ac foveri. Hinc est, quod nos Bolko dei gracia dux Slesie et dominus de Furstinberk istarum tenore litterarum universaliter tam futuris quam presentibus notum esse volumus, quod, cum domino abbati in nostra fundacione scilicet in Gracia sancte Marie virginis suisque fratribus ibidem secum regulariter viventibus complacuisset, ut commutacionem una nobiscum facerent, ex sua videlicet parte cum hereditate Ysirsdorf, quam ante eis contuleramus, ex nostra autem parte cum hereditate Sastrushe wlgariter nuncupata, que iure legittime empcionis nuper ad nos devenerat, eorum dignum duximus annuere voluntati. Effectum itaque affectui mancipantes, postquam idem domnus abbas se de Ysirsdorf per resignacionem in manus nostras exuisset, eidem in presenti prenominatam hereditatem Sastrushe iuxta Villam Bertoldi, que prius dicto claustro deservit, sitam libere et absolute ad perpetuam ipsius claustri possessionem resignavimus ex integro, videlicet cum agris, ortis, tribus molendinis, piscium clausuris, silvis, pratis, pascuis omnibusque aliis ex qualibet parte inclusis, secundum quod ea comes Scobeslaus ab antiquo noscitur possedisse. Verum quia iuxta diligentem utriusque hereditatis estimacionem singula supputando compertum fuit, quod Sastrushe in valore excesserit Ysirsdorf ad centum et quinquaginta marcas argenti, de hac pretaxata summa quinquaginta marcas, in quibus ex voto quodam privato dudum prescripto claustro obligati eramus, iam dicto abbati resecavimus in instanti. Processu vero temporis de reliquis centum marcis fratres prefati claustri penitus absolvimus hoc interposito, quod septem in suo monasterio altaria instaurabunt sub honore sanctorum hic subscriptorum, videlicet beate et gloriose semper virginis Marie, omnium sanctorum, Petri et Pauli apostolorum, Iohannis ewangeliste et Iohannis Baptiste, Mathie apostoli, Nycolai episcopi et Katherine virginis, eo quod speciali ipsos reverencia semper coluerimus et colamus. Horum siquidem patrocinio precipue innitentes sed et meritis ac precibus collegii universitatis fratrum eorundem vitam monasticam in sepedicta nostra plantacione ducencium inhiantes speramus, quod eternam ab ipso largifluo fonte misericordie dei haurire debeamus consolacionem et graciam invenire in tempore oportuno. In huius rei perpetuam memoriam hoc scriptum sigilli nostri appensione fecimus communiri. Acta sunt hec in Sconowe anno domini millesimo ducentesimo nonagesimo quinto, presentibus hiis, scilicet domino Lodewico sororio nostro dicto de Hakeburne, Nicossio de Wederowe, Heinrico de Schiltberk, Pusch de Libintal, Ywano de Provin, Heinrico Bohemo, Apezkone de Vlok et aliis pluribus fide dignis. Datum per manus Siffridi prothonotarii nostri, in die sancto epyphanie domini, quo premissa omnia sunt confecta.

Siegel Herzog Bolkos, Typar D (vgl. die Vorbemerkung), an rotbrauner Seidenschnur, siehe Nr. 130, mit Rücksiegel, Typar D, siehe Nr. 292.