- 168 -

1272 März 12, Breslau.

Rudolf, Prokurator des Breslauer Klarenstifts, bestätigt, daß der Breslauer Bürger magister Heinrich der Schilter gen. von Zeitz die Mühle in Groß Gohlau (westl. Breslau) von dem Müller Burkhard gekauft hat.

Kop. Breslau St.A. Rep. 135 D 23 (Kopialbuch des Klarenstifts, 14. Jh.), pag. 135-136 (olim fol. 77- 77',) (B); Transsumpt des Rats von Breslau von 1567 Jan. 14, ebenda Rep. 63 Nr. 25b (C); Breslau Univ.-Bibl. Hs. R 696 (Baro, Diplomata ac Documenta varia antiquiora, 1706), pag. 426-428 (D).
Reisch, UB Kustodien Nr. 42 (nach C). - Knoblich, Herzogin Anna Anh. S. 14 Anm. 1; SR 1397; Bretschneider Z. 73, 1939, S. 95 Nr. 9.
Die Edition erfolgt nach B unter Vergleich mit C und D, wobei rein orthographische Abweichungen vernachlässigt werden. Zum Inhalt vgl. SUb III, Nr. 163.

In nomine domini amen. Cum oblivio sit mater calumpnie, noverca pacis et litium suscitatrix, necesse est, ut ea, que ad perpetuam memoriam reservari debentur, scriptis autenticis commendentur, ut ex scripture testimonio rei geste acquiratur memoria et calumpniandi materia apud posteros auferatur. Hinc est, quod ego Rudolfus procurator domus sancte Clare in Wratizlauia ad presencium et futurorum publicam noticiam cupio devenire, quod magister Henricus clypeator dictus de Czycz civis Wratizlauiensis in mea presencia, domicelle nostre Hedwigis abbatisse sancte Clare ibidem et conventus ipsius ac eciam fratrum Minorum sancti Iacobi et meo favore ac connivencia accedente molendinum situm super fluvium Lesnizcam dictum Galow cum tribus rotis, vel si quas rotas plures ibidem suis poterit sumptibus construere vel parare, una cum ripis ambabus aque magne ac libertate piscandi in flumine magno, seu quidquid sibi placuerit faciendi infra rotas usque ad metas, ubi eius termini sunt distincti, et prata, quod est iuxta aquam, et rubetum, quod est iuxta granizas Arnoldi de Legnicz et circa allodium Samptfor, quod quondam magistri Waltheri notarii exstitit, cum terra et agris ad molendinum pertinentibus, secundum quod granize per camerarios domine Anne inclite maioris ducisse Slezie felicis memorie fuerant demonstrate, habendi etiam facultatem pro molendino edificando vel reparando, que necessaria fuerint, vel pro igne in molendino habende absque impedimento quolibet silva in Galow libere perfruendi, apud Burchardum molendinarium pro quinquaginta marcis argenti et una cum omni iure et libertate, quam ipse in eodem molendino habuit, iusto conparavit tytulo empcionis sibi suisque successoribus aut heredibus perpetuo et hereditarie possidendum. De hoc quoque molendino, quotcunque rotas habuerit, et de omnibus superius enarratis non plus quam duas marcas Wratizlauiensis argenti idem Henricus predictus pro centu annis singulis in nativitate domini procuratori domus sancte Clare solvere tenebitur in pondere mercatorum. In cuius rei testimonium et robur perpetue firmitatis hanc litteram meo, gardiani fratrum Minorum sancti Iacobi ac eciam fratris Hermanni lectoris ibidem feci sigillorum munimine roborari, testibus, qui presentibus aderant, subnotatis, qui sunt: frater Franczko gardianus fratrum Minorum sancti Iacobi, frater Hermannus lector ibidem, frater Gerhardus confessor domicellarum, frater Hermannus Bauarus quondam custos ibidem, Syfridus frater advocati, Heynricus de Gorlicz filius Wernheri, Theodricus de Ronberch, Myloczey claviger de Lesnicz et Conradus advocatus ibidem. Datum et actum Wratizlauie anno domini M°CC°LXXII°, in die sancti Gregorii.

Schlesisches Urkundenbuch, Herausgegeben von der Historischen Kommission für Schlesien, Vierter Band 1267 - 1281, Bearbeitet von Winfried Irgang, Böhlau Verlag, Köln-Wien 1988