- 308 -

1246 August 21, Breslau.

Der päpstliche Legat Opizo, Abt von Mezzano, gewährt den Besuchern des Breslauer Vinzenzstifts, das die Reliquien des Märtyrers Eustachius beherbergt, am Feste dieses Heiligen einen Ablaß von 40 Tagen.

Or. dep. Breslau St.A. Rep. 67 Nr. 36 (A).
Santifaller MÖStA l, S. 37 f. Nr. 2. - SR 644.
Vgl. die Vorbemerkung zu Nr. 305.

Frater Opizo miseratione divina abbas de Mezano in Polonia, Pruscia et circumadiacentibus partibus domini pape vices gerens universis Christi fidelibus per Wratislauiensem civitatem et diocesim constitutis salutem in domino. Ut cortina cortinam trahat et, qui audit, dicat veni, sancta mater ecclesia unguentorum suorum fragrantia Christi fideles allicit operibus videlicet caritatis, ut per hec illecta fidelis anima retrahatur a noxiis et ad salutaria dirigatur. Cum igitur, sicut accepimus, in monasterio sancti Vincentii Wratislauiensis Premonstratensis ordinis reliquie sancti Eustachii martiris sub veneranda custodia conserventur, universitatem vestram rogandam duximus et monendam in remissionem vobis peccaminum iniungentes, quatinus ad idem monasterium ipsius martiris suffragia petitituri devote ac humiliter accedatis. Nos enim cupientes locum ipsum congruis honoribus frequentari omnibus vere penitentibus et confessis, qui in festo sancti Eustachii monasterium predictum reverenter visitaverint annuatim, de omnipotentis dei misericordia et beatorum Petri et Pauli apostolorum eius auctoritate confisi quadraginta dies de iniuncta sibi penitentia misericorditer relaxamus. Dat. Wratislauie, XII kal. septembris, pontificatus domini Innocentii pape IIII anno quarto.

Siegel des Legaten Opizo an gelb-weißen Seidenfäden (Schultz S. 11 und Tafel 5 Nr. 33).

Schlesisches Urkundenbuch, Herausgegeben von der Historischen Kommission für Schlesien, Zweiter Band 1231 - 1250, Bearbeitet von Winfried Irgang, Verlag Hermann Böhlaus Nachf., Wien-Köln-Gratz 1977