- 154 -

1217 Februar 22, Lateran.

Papst Honorius III. ermahnt den Herzog Wladislaw von Kalisch, dem Herzog Heinrich I. von Schlesien die Burg Kalisch in Erfüllung eines eidlichen Versprechens zurückzustellen.

Reg. Vat. 9, fol. 78 Nr. 297 (R).
Theiner, Mon. Pol. Vat. 1. Nr. 6 = CD Maioris Poloniae 1. Nr. 93; Mal. 2, Nr. 187. - Potthast 5467; SR 183; Pressutti, Reg. Honorii III Nr. 363.
In R ist dazu vermerkt: Illis scriptum est super hoc (vgl. die folgende Urkunde).

Nobili viro W(ladislao) duci de Kalis.
Exposita nobis dilecti filii nobilis viri H(enrici) ducis Zlesie conquestio patefecit, quod cum dudum te ab hereditate tua iniuste depulsum ac bellorum clade quassatum in terram suam tum pietatis tum consanguinitatis intuitu recepisset castrumque suum de Chalis tibi pro vite tue subsidio assignasset prestito a te primitus iuramento, quod post recuperationem terre tue fortuna tibi prospere arndente castrum illud sibi restitueres sine mora, tu recuperata postmodum terra tua castrum predictum contra proprium iuramentum detinens ad te asseris pertinere ac in periculum anime tue reddere contradicis. Quasdam etiam res immobiles pertinentes ad castrum alienasse diceris in ipsius ducis preiudicium et gravamen, cuius alienationis contractum venerabilis frater noster . . Gneznensis archiepiscopus contra ipsius prohibitionem minus licite asseritur confirmasse. Quia vero in nullo tibi accresceret, immo plurimum deperiret, si pretextu alicuius commodi temporalis anime tue incurreres detrimentum, nobilitatem tuam monemus et exhortamur attente per apostolica tibi scripta mandantes, quatenus ne idem dux inde incurrat incommodum, unde videtur premium meruisse, prefatum castrum cum omnibus pertinentiis suis sibi restituas ut teneris. Alioquin quia in iure suo eidem duci deesse non possumus sicut etiam nee debemus, dilectis filiis scolastico Wratislauiensi et archidiacono et Slauo canonico Cracouiensibus damus nostris litteris in mandatis, ut te ad id per censuram ecclesiasticam appellatione remota iustitia mediante compellant. Dat. Laterani VIII kal. martii, pontificatus nostri anno primo.

Schlesisches Urkundenbuch, Herausgegeben von der Historischen Kommission für Schlesien, Zweiter Band: 1. Lieferung 971 - 1216, 1963; 2. Lieferung 1217 - 1230, 1968; 3. Lieferung Fälschungen und Register, 1971; Bearbeitet von Heinrich Appelt, Verlag Hermann Böhlaus Nachf., Wien-Köln-Graz